سمكة البوري سمكة حساسة جدا وتحتاج لمهارة وحساسية من صيادها كبيرة
أولا :
البوري بيحتاج دائماً إلى أشياء ثلاثة :
1 - مياه كنة " هادئة " إلى حد ما
2 - الهدوء التام و عدم الحركة على البر " لأنه دائما قريبا جدا من السطح "
3 - يد حساسة جداً " نتشة محترف ... نينجاوي يعني " .
4 - تركيز شديد مع حركة الفلة " لأنه لا يأكل مثل باقى السمك ويغمز و......... كما يقول
الصياد القديم هو يشفط الطعم بخفة متناهية ...وليس له أسنان بل ضراضير .
5 - دائما يكون البوري في سرب أو أسراب متجمعة ...
ولو سقطت منك في الماء سمكة بوري سيب المكان وأمشي
ثانيا الطعم المستخدم :
العجينة طبعا بالسكر أو بدون " أنظر طريقة عمل العجينة للتلاوي "
وممكن البرغوت الصغير جدا " ويتم تقشيره تماما الدماغ و الديل ..... "
ثالثا عدة خاصة
الشعر المستخدم من 15 إلى 20 للأرمه
و السن من 20 إلى 22
خيط العود 30 أو 25
الفله والمدور صفيرة جدا و الفلة فوق المدور والرصاص صغير اطبق عليه جيدا جدا يكون
بدون سن هاااااااام جدا
ونبدء بسم الله عز وجل
نحضر جردل به 10 ... 15 رغيف عيش عربى ونقوم بعجن العيش جيدا وكوب صغير
نقوم بتظفير المرمى به من حين لحين ...
ثم نقوم بالرمي في هدوء كامل كما ذكرنا وهنا تبدء حساسية صياد البورى وأختيار
اللحظة الحاسمة للنتش
أفضل أوقات البوري دائماً صباحا يعني من الشروق و حتى الضحى ...
أفضل الأماكن في الإسكندرية البحرية راس التين الصيد هناك من بعد الساعة 3 الظهر
ماعدا الخميس من بعد 1 الظهر و الجمعة من 8 الصبح والبورى هناك كتير جدا
وميناء الدخيلة وميناء ابو قير ... والطرح طبعا ...
أرجو مشاركة الجميع بخبراتكم وإضافاتكم
التزفير من اهم الخطوات فى صيد البورى ويكاد يكون اهم خطوه ولابد من مراعات الاتى.
- اولا لابد من عجن العيش جديدا بالماء او حتى خلطه برمل البحر وذلك لضمان انه يغطس ومايعومش على وش الماء فيسحب السمك لبعيد حيب التيار.
- لابد من حساب سرعه الماء وحركته لتفادى التظفير لمكان اخر غير اللى انت بتصطاد فيه !!!
- لو سمكه وقعت وانت بتطلعها لابد من التظفير بكثافه لان السمك بيهرب.
- اوعى تظفر وتملى الماء عيش وتشبع السمك وبعد كده تروح وانت فرحان بالعجينه اللى معاك!!!
- اوعى تتعافى على البورى وانت بتطلعه سايس السمكه لانها لو هربت كل سنه وانت طيب وبتاخد سربها كله معاها .
- كل مايكون صوتك خفيض وحركتك قليل ان شاء الله حاتصطاد بورى اكتر وطبعا لو خيال فى الماء او عمال تقعد وتقف كل شويه يبقى كل سنه وانت طيب......
فى النهايه اللى مكتوبه رزق بياخده لكن البورى من اصعب الاسماك وهى اختبار وتحدى حقيقى لاى صياد ويوجد انواع كثيره منه اطعمها واحلاها واصعبها ايضا هو بورى البحر المعروف ب (اصفر ودنه)
يا رب اكون وفيت
